ఆంధ్రప్రదేశ్ ఉప ముఖ్యమంత్రి, పవర్ స్టార్ పవన్ కళ్యాణ్ సోషల్ మీడియాలో మరోసారి భారీ చర్చకు తెరతీశారు. రాజకీయ బాధ్యతలతో బిజీగా ఉన్నప్పటికీ, తన సినిమాల కోసం ఆతృతగా ఎదురుచూస్తున్న అభిమానులకు ఆయన అదిరిపోయే సర్ప్రైజ్ ఇచ్చారు. “You Asked… We Heard…” అంటూ ఎక్స్లో చేసిన ఒకే ఒక్క పోస్ట్ ఇప్పుడు సోషల్ మీడియాలో వైరల్గా మారింది.
డైరెక్టర్ సుజీత్ తెరకెక్కిస్తున్న భారీ గ్యాంగ్స్టర్ యాక్షన్ డ్రామా ‘OG (Original Gangster)’ ఇప్పటికే భారీ అంచనాలు సొంతం చేసుకుంది. అయితే ఇప్పుడు ఆ క్రేజ్ను మరో స్థాయికి తీసుకెళ్తూ, “Welcome to OGUniverse” అంటూ పవన్ కళ్యాణ్ స్వయంగా ప్రకటించడం అభిమానుల్లో ఉత్సాహాన్ని రెట్టింపు చేసింది.
అంతేకాదు, ‘OG పార్ట్-2’ కూడా అధికారికంగా లైన్లో ఉందని ప్రకటించడంతో సోషల్ మీడియాలో సంబరాలు మొదలయ్యాయి. దీంతో ‘OG’ ఒకే సినిమాతో ముగిసే ప్రాజెక్ట్ కాదని, సుజీత్ భారీ సినిమాటిక్ యూనివర్స్కు శ్రీకారం చుట్టినట్లు స్పష్టమైంది.
ఫ్యాన్స్కు బిగ్గెస్ట్ ట్రీట్
చాలా రోజులుగా ‘OG’ అప్డేట్ కోసం ఎదురుచూస్తున్న అభిమానులకు పవన్ కళ్యాణ్ స్వయంగా ఈ గుడ్ న్యూస్ చెప్పడంతో ఫ్యాన్స్ ఆనందానికి అవధులు లేకుండా పోయాయి. ఈ ప్రకటనతో #OGUniverse హ్యాష్ట్యాగ్ సోషల్ మీడియాలో టాప్ ట్రెండింగ్గా మారింది.
క్రేజ్ నెక్స్ట్ లెవెల్
‘OG’ ఇప్పటికే బిజినెస్ పరంగా భారీ క్రేజ్ను సొంతం చేసుకుంది. ఇప్పుడు పార్ట్-2 ప్రకటనతో ఈ ప్రాజెక్ట్పై అంచనాలు మరింత పెరిగాయి. థమన్ అందించిన పవర్ఫుల్ బ్యాక్గ్రౌండ్ స్కోర్, ఇమ్రాన్ హష్మీ విలన్ పాత్ర సినిమాపై ఉన్న ఆసక్తిని మరింత పెంచుతున్నాయి.
సోషల్ మీడియాలో సునామీ
పవన్ కళ్యాణ్ పోస్ట్ చేసిన కొద్ది నిమిషాల్లోనే లక్షలాది లైకులు, వేలాది రీట్వీట్లు రావడంతో సోషల్ మీడియా మొత్తం ‘OG’ గురించే మాట్లాడుతోంది. ఒకవైపు డిప్యూటీ సీఎంగా ప్రజాసేవలో బిజీగా ఉంటూనే, మరోవైపు తన సినిమా అప్డేట్స్తో అభిమానులను ఖుషీ చేయడం పవన్కే సాధ్యమని అభిమానులు కామెంట్లు చేస్తున్నారు.
ఇక చిత్ర యూనిట్ కూడా త్వరలో OGUniverse నుంచి మరిన్ని భారీ అప్డేట్స్ రానున్నాయని సంకేతాలు ఇచ్చింది. దీంతో ఇప్పుడు టాలీవుడ్ దృష్టి మొత్తం ‘OG’ ఫ్రాంచైజీపైనే పడింది.
