మెగాస్టార్ అభిమానులకు మాస్ ట్రీట్ రెడీ అవుతోంది!
చిరంజీవి హీరోగా, బాబీ కొల్లి దర్శకత్వంలో రూపొందుతున్న భారీ యాక్షన్ ఎంటర్టైనర్ (మెగా158) మరో కీలక దశను పూర్తి చేసుకుంది. తాజాగా ఈ చిత్రానికి సంబంధించిన లుక్ టెస్ట్ విజయవంతంగా పూర్తైనట్టు మేకర్స్ అధికారికంగా ప్రకటించారు. ఈ అప్డేట్తో సినిమా పై హైప్ మరింత పెరిగింది.
నిర్మాణ సంస్థ KVN Productions తమ సోషల్ మీడియా ద్వారా స్పందిస్తూ… “మరో సెలబ్రేషన్కు నాంది పలికింది. మెగాస్టార్ లుక్ టెస్ట్ కంప్లీట్ అయింది. ముహూర్తం, షూటింగ్ అప్డేట్స్ త్వరలో వెల్లడిస్తాం” అని తెలిపింది.
ఇదే విషయంపై దర్శకుడు బాబీ మాట్లాడుతూ… “లుక్ టెస్ట్ పూర్తయింది. చిరంజీవి గారి ఫైనల్ లుక్ను లాక్ చేశాం. ఈ ఎగ్జైటింగ్ జర్నీని ప్రారంభించడానికి ఆసక్తిగా ఎదురుచూస్తున్నాను” అని అన్నారు.
గతేడాది చిరంజీవి పుట్టినరోజు సందర్భంగా ఈ ప్రాజెక్ట్ను అధికారికంగా అనౌన్స్ చేసిన సంగతి తెలిసిందే. అప్పుడే “The blade that set the bloody benchmark” అనే పవర్ఫుల్ ట్యాగ్లైన్తో రిలీజ్ చేసిన పోస్టర్ భారీ ఆసక్తిని రేకెత్తించింది. గోడను చీల్చుకుంటూ వచ్చిన గొడ్డలి విజువల్ సినిమా టోన్ ఎంత రఫ్ & మాస్గా ఉండబోతోందో సూచించింది.
ఇది వాల్తేర్ వీరయ్య వంటి బ్లాక్బస్టర్ తర్వాత చిరంజీవి – బాబీ కొల్లి కాంబోలో వస్తున్న రెండో సినిమా కావడం విశేషం. ఆ సినిమాలో Ravi Teja కూడా కీలక పాత్రలో కనిపించి ఆకట్టుకున్నారు.
ఈసారి మరింత భారీ బడ్జెట్తో, మాస్ ఎలిమెంట్స్ను నెక్స్ట్ లెవల్లో ప్రెజెంట్ చేయడానికి టీమ్ రెడీ అవుతోంది. లుక్ టెస్ట్ పూర్తవడంతో త్వరలోనే ముహూర్తం జరిపి రెగ్యులర్ షూటింగ్ ప్రారంభించే ప్లాన్లో ఉన్నారు.
మొత్తానికి, ఈ ప్రాజెక్ట్పై మెగా ఫ్యాన్స్తో పాటు ఇండస్ట్రీలో కూడా భారీ అంచనాలు నెలకొన్నాయి. ఇక ఈ సినిమా నుంచి వచ్చే ప్రతి అప్డేట్ ఫ్యాన్స్కు పండుగలా మారనుంది!
