పట్టం పోలేతో మలయాళ సినీ రంగంలో హీరోయిన్గా అడుగుపెట్టిన మాళవిక మోహనన్, ఇప్పుడు మొత్తం దక్షిణ భారత ప్రేక్షకులను ఆకట్టుకుంటోంది. లోకేష్ కనకరాజ్ దర్శకత్వంలో విజయ్ హీరోగా తెరకెక్కిన మాస్టర్ లో చారులత పాత్రతో ఆమెకు పెద్ద గుర్తింపు వచ్చింది. ఆ సినిమా తర్వాత తెలుగు అభిమానులకు కూడా మాళవిక బాగా పరిచయమైంది.
ఇటీవల ప్రభాస్ నటిస్తున్న రాజా సాబ్ సినిమాలో హీరోయిన్గా నటిస్తున్న మాళవిక, తన గ్లామర్ మరియు నటనతో పెద్ద ఎత్తున చర్చగా మారింది. మరోవైపు, మెగాస్టార్ చిరంజీవి మరియు దర్శకుడు బాబీ కాంబినేషన్లో వస్తున్న 158వ సినిమాలో కూడా మాళవిక హీరోయిన్గా ఎంపికైనట్లు సమాచారం. నవంబర్ 5న ఈ సినిమా ముహూర్తపు పూజ జరగనుంది.
మలయాళంలో క్రిష్టి చిత్రంతో మాళవిక మరోసారి తన అందం, సహజ నటనతో ప్రేక్షకులను మెప్పించింది. ఈ సినిమా థియేటర్లో మిస్ అయిన వారు సోనీ లివ్లో తెలుగులో చూసి ఆమె అభిమానులుగా మారిపోయారు.
ఇక సోషల్ మీడియాలో మాత్రం మాళవిక ఎప్పుడూ ఆకట్టుకునే ఫోటోలు, స్టైలిష్ లుక్స్తో హాట్ టాపిక్గా నిలుస్తోంది. చివరిగా పా. రంజిత్ దర్శకత్వంలో వచ్చిన తంగలాన్ సినిమాలో ఆమె అద్భుతంగా కనిపించింది.
