మెగా డాటర్ నిహారిక కొణిదెల నిర్మాణంలో మరో ఆసక్తికరమైన సినిమా ప్రేక్షకుల ముందుకు రాబోతోంది. ఈ ప్రాజెక్ట్‌కు సంబంధించి తాజాగా ఓ క్రేజీ అప్‌డేట్ బయటకు వచ్చింది. ఇంతకీ ఆ సినిమా ఏంటి? దాని టైటిల్ ఏంటో తెలుసుకుందాం!
నిహారిక నిర్మిస్తున్న ఈ కొత్త చిత్రానికి ‘పాకెట్ రాకెట్స్’ అనే ఆసక్తికరమైన టైటిల్‌ను ఖరారు చేశారు. ఈ విషయాన్ని చిత్ర బృందం అధికారికంగా ప్రకటించడంతో సోషల్ మీడియాలో ఈ సినిమా గురించి చర్చ మొదలైంది.
ఈ సందర్భంగా మేకర్స్ చేసిన పోస్ట్ కూడా అందరి దృష్టిని ఆకర్షిస్తోంది. లైట్స్, కెమెరా, రోల్ అంటూ ప్రేక్షకులను కొత్త ప్రయాణానికి సిద్ధం కావాలని చెబుతూ, ఈ జర్నీ మామూలుగా ఉండదనే హింట్ ఇచ్చారు. అంతేకాదు, బ్లాక్‌బస్టర్ మాత్రమే కాదు.. ఏకంగా జాక్‌పాట్ కొట్టడం ఖాయమంటూ సినిమాపై ఆసక్తిని పెంచారు.
ఇక ఈ సినిమాలో సీనియర్ నటుడు జేడీ చక్రవర్తి, నటుడు అవసరాల శ్రీనివాస్, కే. త్రినాథ్ వర్మ కీలక పాత్రల్లో కనిపించనున్నారు.
పింక్ ఎలిఫెంట్ పిక్చర్స్, మాక్స్ సిటీ స్టూడియోస్ సంయుక్తంగా ఈ చిత్రాన్ని నిర్మిస్తున్నాయి. విభిన్నమైన టైటిల్‌తో ప్రేక్షకుల ముందుకు వస్తున్న ఈ సినిమా ఎలాంటి కథతో తెరకెక్కుతోంది? ఇందులో నటీనటుల పాత్రలు ఎలా ఉండబోతున్నాయి? అనే విషయాలపై ఇప్పుడు ఆసక్తి నెలకొంది.
ముఖ్యంగా ‘పాకెట్ రాకెట్స్’ అనే టైటిల్ వినూత్నంగా ఉండటంతో సినిమా కాన్సెప్ట్‌పై ప్రేక్షకుల్లో క్యూరియాసిటీ పెరుగుతోంది.
మరి నిహారిక కొణిదెల నిర్మిస్తున్న ఈ సినిమా ప్రేక్షకులను ఏ స్థాయిలో అలరిస్తుంది? టైటిల్‌కు తగ్గట్టుగానే బాక్సాఫీస్ దగ్గర జాక్‌పాట్ కొడుతుందా? అనేది చూడాలి.
ఈ సినిమా టైటిల్ మీకు ఎలా అనిపించింది? కామెంట్ చేసి చెప్పండి!
