మెగాస్టార్ చిరంజీవి ఇప్పుడు డిజిటల్ వరల్డ్లోకి అడుగుపెట్టబోతున్నారా? ప్రస్తుతం ఇండస్ట్రీలో వినిపిస్తున్న ఈ వార్త సోషల్ మీడియాలో హాట్ టాపిక్గా మారింది.
ప్రముఖ ఓటీటీ సంస్థ నెట్ఫ్లిక్స్.. చిరంజీవితో ఓ భారీ సెలబ్రిటీ టాక్ షో చేసేందుకు చర్చలు జరుపుతున్నట్లు సమాచారం. అంతేకాదు, ఈ డీల్ ప్రస్తుతం తుది దశకు చేరుకుందని, షో కోసం మెగాస్టార్కు ఏకంగా రూ.200 కోట్ల రెమ్యునరేషన్ ఆఫర్ చేసినట్లు ప్రచారం జరుగుతోంది.
ఈ టాక్ షోను భారీ ఎంటర్టైన్మెంట్తో రూపొందించేలా కాన్సెప్ట్ సిద్ధం చేస్తున్నారట. నందమూరి బాలకృష్ణ ‘అన్స్టాపబుల్’ షోతో అనుభవం ఉన్న బీవీఎస్ రవి ఈ కొత్త షో కాన్సెప్ట్పై వర్క్ చేస్తున్నట్లు తెలుస్తోంది. ఇక చిరంజీవి కుమార్తె సుస్మిత కొణిదెల ఈ ప్రాజెక్ట్కు సంబంధించిన డీల్ను పర్యవేక్షిస్తున్నారనే టాక్ వినిపిస్తోంది.
ప్రస్తుతం చిరంజీవి దర్శకుడు బాబీ తెరకెక్కిస్తున్న ‘కాకా’ సినిమాతో బిజీగా ఉన్నారు. ఈ సినిమా షూటింగ్ను నవంబర్ నాటికి పూర్తి చేసి, 2027 సంక్రాంతి కానుకగా ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నారు.
‘కాకా’ షూటింగ్ పూర్తయిన తర్వాత చిరంజీవి ఈ టాక్ షో కోసం కెమెరా ముందుకు వచ్చే అవకాశం ఉందని సమాచారం.
మరోవైపు చిరంజీవి నటించిన సోషియో ఫాంటసీ మూవీ ‘విశ్వంభర’ షూటింగ్ కూడా పూర్తయింది. ఈ సినిమా విడుదల తేదీపై త్వరలోనే అధికారిక ప్రకటన వచ్చే అవకాశం ఉంది.
అయితే చిరంజీవి-నెట్ఫ్లిక్స్ టాక్ షో, రూ.200 కోట్ల రెమ్యునరేషన్ వంటి వార్తలపై ఇప్పటివరకు అధికారిక ప్రకటన రాలేదు. మరి నిజంగానే మెగాస్టార్ డిజిటల్ ఎంట్రీ ఇస్తారా? అనేది తెలియాలంటే అధికారిక క్లారిటీ వచ్చే వరకు వేచి చూడాల్సిందే.
