మాస్ మహారాజా రవితేజ హిట్, ఫ్లాప్లతో సంబంధం లేకుండా వరుస సినిమాలతో ప్రేక్షకులను అలరిస్తున్నారు. గత ఏడాది ‘మాస్ జాతర’తో సందడి చేసిన రవితేజ.. ఈ ఏడాది ‘భర్త మహాశయులకు విజ్ఞప్తి’తో ప్రేక్షకుల ముందుకు వచ్చారు. ఇక ఇప్పుడు పూర్తిగా డిఫరెంట్ జానర్లో ‘ఇరుముడి’ సినిమాతో రాబోతున్నారు.
ఆధ్యాత్మికతతో కూడిన ఫ్యామిలీ యాక్షన్ థ్రిల్లర్గా తెరకెక్కుతున్న ఈ సినిమా ఆగస్టు 21న ప్రేక్షకుల ముందుకు రానుంది. ఇప్పటికే విడుదలైన పోస్టర్లు, పాటలు సినిమాపై ఆసక్తిని పెంచాయి.
‘ఇరుముడి’లో రామ్ చరణ్ ఉన్నాడంటూ ప్రచారం!
అయితే సినిమా రిలీజ్కు దగ్గరపడుతున్న సమయంలో సోషల్ మీడియాలో ఓ ఆసక్తికరమైన వార్త వైరల్గా మారింది. ‘ఇరుముడి’లో మెగా పవర్ స్టార్ రామ్ చరణ్ ఓ స్పెషల్ అప్పియరెన్స్ ఇవ్వబోతున్నారంటూ ప్రచారం మొదలైంది.
ముఖ్యంగా సినిమాలోని ‘మల్లెపూల పల్లకి’ అనే ఫోక్ సాంగ్లో రామ్ చరణ్ గ్రాండ్గా కనిపించబోతున్నారని.. ఆయన స్క్రీన్ ప్రెజెన్స్ సినిమాకు ప్రత్యేక ఆకర్షణగా నిలుస్తుందని వార్తలు వచ్చాయి. దీంతో మెగా అభిమానులతో పాటు రవితేజ ఫ్యాన్స్ కూడా ఈ కాంబినేషన్పై ఆసక్తి చూపించారు.
రూమర్స్కు చెక్ పెట్టిన చరణ్ టీమ్
అయితే ఈ ప్రచారానికి తాజాగా రామ్ చరణ్ టీమ్ క్లారిటీ ఇచ్చినట్లు తెలుస్తోంది. ‘ఇరుముడి’ సినిమాలో ‘మల్లెపూల పల్లకి’ పాటలో రామ్ చరణ్ కనిపించబోతున్నారనే వార్తల్లో ఎలాంటి నిజం లేదని టీమ్ స్పష్టం చేసినట్లు సమాచారం.
అసత్య ప్రచారాలను నమ్మవద్దని, ఇలాంటి రూమర్స్ను స్ప్రెడ్ చేయొద్దని చరణ్ టీమ్ విజ్ఞప్తి చేసినట్లు తెలుస్తోంది. దీంతో సినిమాలో చరణ్ స్పెషల్ అప్పియరెన్స్ ఉంటుందనే ప్రచారానికి బ్రేక్ పడింది.
అసలు ఈ రూమర్ ఎందుకు వచ్చింది?
అయితే ఈ రూమర్కు కారణం కూడా ఉంది. సినిమా ప్రీ రిలీజ్ ఈవెంట్లో మ్యూజిక్ డైరెక్టర్ జీవీ ప్రకాష్ కుమార్ మాట్లాడుతూ.. సినిమాలోని అయ్యప్ప పాటలో ఓ అదిరిపోయే సర్ప్రైజ్ ఉంటుందని చెప్పినట్లు తెలుస్తోంది.
అంతే.. ఆ సర్ప్రైజ్ రామ్ చరణ్ స్పెషల్ ఎంట్రీనే అంటూ సోషల్ మీడియాలో ప్రచారం మొదలైంది. ఈ వార్త క్రమంగా వైరల్ కావడంతో చివరకు చరణ్ టీమ్ స్పందించి క్లారిటీ ఇవ్వాల్సి వచ్చింది.
అసలు ‘ఇరుముడి’ కథ ఏంటి?
ఇక సినిమా కథ విషయానికి వస్తే.. అయ్యప్ప దీక్షలోని 41 రోజుల సమయంలో కథానాయకుడి జీవితంలో చోటుచేసుకునే సంఘటనల చుట్టూ ఈ కథ సాగుతుందని తెలుస్తోంది.
వ్యసనాలకు బానిసైన ఓ వ్యక్తి అయ్యప్ప దీక్ష తీసుకుంటే.. 41 రోజుల పాటు మద్యానికి, ఇతర అలవాట్లకు దూరంగా ఉండాల్సి వస్తుంది. అక్కడి నుంచే కథలో అసలైన సంఘర్షణ మొదలవుతుందని దర్శకుడు వెల్లడించినట్లు సమాచారం.
శివ నిర్వాణ దర్శకత్వంలో మైత్రి మూవీ మేకర్స్ బ్యానర్పై తెరకెక్కుతున్న ఈ సినిమాలో రవితేజకు జోడీగా ప్రియా భవాని శంకర్ నటిస్తున్నారు.
మొత్తానికి రవితేజ ‘ఇరుముడి’లో రామ్ చరణ్ కనిపించబోతున్నారనే వార్త ఫ్యాన్స్లో భారీ ఆసక్తిని పెంచినా.. ప్రస్తుతం అందుతున్న క్లారిటీ ప్రకారం అది కేవలం రూమర్గానే మిగిలిపోయింది. మరి సినిమాలో చెప్పిన ఆ సర్ప్రైజ్ ఏంటో తెలియాలంటే ఆగస్టు 21 వరకు వెయిట్ చేయాల్సిందే.
