అఖిల్ అక్కినేని నటించిన ‘లెనిన్’ చిత్రం ఘనవిజయం సాధించడంతో కింగ్ నాగార్జునలో కొత్త ఉత్సాహం కనిపిస్తోంది. చాలా కాలంగా సరైన హిట్ కోసం ఎదురుచూస్తున్న అఖిల్కు ఈ సినిమా బ్లాక్బస్టర్ విజయాన్ని అందించింది. తన కుమారుడి కెరీర్ను మళ్లీ ట్రాక్లోకి తీసుకురావాలనే ఉద్దేశంతో నాగార్జున తన ఇతర ప్రాజెక్టులను కూడా పక్కనబెట్టి ‘లెనిన్’పై పూర్తి దృష్టి పెట్టారు. ఇప్పుడు సినిమా భారీ విజయం సాధించడంతో ఆయన మళ్లీ తన డ్రీమ్ ప్రాజెక్ట్ ‘కింగ్ 100’ షూటింగ్ను వేగంగా పూర్తి చేసే దిశగా అడుగులు వేస్తున్నారు.
ఇదిలా ఉంటే, తన భవిష్యత్ ప్రాజెక్టుల విషయంలో కూడా నాగార్జున కీలక నిర్ణయాలు తీసుకుంటున్నట్లు సమాచారం. ఇటీవల విడుదలైన రజనీకాంత్ ‘కూలీ’ చిత్రంలో ఆయన చేసిన పాత్ర ఆశించిన స్థాయిలో గుర్తింపు తీసుకురాకపోవడంతో, ఇకపై ప్రధానంగా హీరో పాత్రలకే ప్రాధాన్యం ఇవ్వాలని నిర్ణయించుకున్నట్లు టాలీవుడ్ వర్గాలు చెబుతున్నాయి.
ఈ క్రమంలోనే దర్శకుడు బొమ్మరిల్లు భాస్కర్ చెప్పిన కొత్త కథకు నాగార్జున గ్రీన్ సిగ్నల్ ఇచ్చినట్లు వార్తలు వినిపిస్తున్నాయి. ప్రస్తుతం భాస్కర్ పూర్తి స్థాయి స్క్రిప్ట్ సిద్ధం చేసే పనిలో ఉన్నారని తెలుస్తోంది.
గతంలో అఖిల్తో ‘మోస్ట్ ఎలిజిబుల్ బ్యాచిలర్’ వంటి విజయవంతమైన చిత్రాన్ని తెరకెక్కించిన భాస్కర్, ఇటీవల సిద్ధు జొన్నలగడ్డతో చేసిన ‘జాక్’ సినిమాతో ఆశించిన ఫలితం అందుకోలేకపోయాడు. అయితే ఆ తర్వాత ఎంతో శ్రద్ధగా సిద్ధం చేసిన కొత్త కథను నాగార్జునకు వినిపించగా, అది ఆయనకు బాగా నచ్చినట్లు సమాచారం.
అన్నీ అనుకున్నట్లు జరిగితే, ఈ క్రేజీ కాంబినేషన్కు సంబంధించిన అధికారిక ప్రకటన త్వరలోనే వెలువడే అవకాశం ఉందని సినీ వర్గాల్లో జోరుగా ప్రచారం జరుగుతోంది. దీంతో నాగార్జున–బొమ్మరిల్లు భాస్కర్ కాంబోపై అభిమానుల్లో ఆసక్తి రోజురోజుకూ పెరుగుతోంది.
