‘సీతారామం’ చిత్రంతో తెలుగు ప్రేక్షకుల గుండెల్లో చెరగని ముద్ర వేసుకున్న మృణాల్ ఠాకూర్, తాజాగా తన గత ప్రేమాయణం మరియు బ్రేకప్కు సంబంధించిన ఆసక్తికర విషయాలను పంచుకున్నారు. తన లేటెస్ట్ మూవీ ‘దో దీవానే శహర్ మే’ ప్రమోషన్లలో భాగంగా ఆమె మాట్లాడుతూ.. తాను నటిగా కొనసాగడం తన మాజీ ప్రియుడికి ఇష్టం లేదని వెల్లడించారు. తను హీరోయిన్ అవ్వడం, వృత్తిరీత్యా బిజీగా ఉండటం అతనికి నచ్చలేదని, ఆ కారణంతోనే తాము విడిపోవాల్సి వచ్చిందని ఆమె క్లారిటీ ఇచ్చారు.
అతని సంకుచిత మనస్తత్వం గురించి తెలిసి తాను బాధపడలేదని, పైగా జాలి పడ్డానని మృణాల్ పేర్కొన్నారు. “నేను చాలా ఇంపల్సివ్గా ఉంటానని, హీరోయిన్గా చేయడం అతనికి నచ్చదని బ్రేకప్ చెప్పాడు. అలాంటి ఆలోచనలు ఉన్న వ్యక్తితో జీవితాన్ని పంచుకోవడం కష్టమని నేను భావించాను. ఒకవేళ అతనితో కలిసి ఉంటే భవిష్యత్తులో మా పిల్లలు కూడా అదే రీతిలో పెరుగుతారు, అది నాకు అస్సలు ఇష్టం లేదు” అంటూ తన నిర్ణయాన్ని సమర్థించుకున్నారు. ప్రస్తుతం ఈ వ్యాఖ్యలు సోషల్ మీడియాలో వైరల్ అవుతున్నాయి.
ఇక కోలీవుడ్ స్టార్ హీరో ధనుష్తో పెళ్లి అంటూ వస్తున్న రూమర్లపై కూడా మృణాల్ ఘాటుగా స్పందించారు. ఇలాంటి వార్తలు వినడానికి చాలా హాస్యాస్పదంగా ఉంటాయని, వాటిని చూసి తాను నవ్వుకుంటానని చెప్పారు. ఇవన్నీ కేవలం “ఫ్రీ పీఆర్ స్టంట్స్” అని కొట్టిపారేశారు. ప్రస్తుతం మృణాల్ చేతిలో క్రేజీ ప్రాజెక్టులు ఉన్నాయి. హిందీలో ‘దో దివానే శహర్ మే’ ఫిబ్రవరి 20న విడుదలవుతుండగా, తెలుగులో అడివి శేష్ సరసన నటిస్తున్న ‘డెకాయిట్’ మార్చి 19న ప్రేక్షకుల ముందుకు రానుంది.
