యంగ్ హీరో నిఖిల్ సిద్దార్థ్ నటిస్తున్న భారీ హిస్టారికల్ యాక్షన్ డ్రామా ‘స్వయంభు’ విడుదల తేదీలో మార్పు జరిగింది. తొలుత ఈ చిత్రాన్ని ఫిబ్రవరి 13న విడుదల చేయాలని చిత్ర బృందం భావించినప్పటికీ, పనుల జాప్యం కారణంగా వాయిదా పడింది. తాజాగా ఈ మూవీని ఏప్రిల్ 10, 2026న ప్రపంచవ్యాప్తంగా గ్రాండ్గా విడుదల చేయబోతున్నట్లు అధికారికంగా ప్రకటించారు. వేసవి సెలవులను టార్గెట్ చేస్తూ ఈ కొత్త తేదీని ఖరారు చేసినట్లు తెలుస్తోంది.
భరత్ కృష్ణమాచారి దర్శకత్వంలో తెరకెక్కుతున్న ఈ సినిమాలో నిఖిల్ ఒక పవర్ఫుల్ వారియర్గా కనిపించనున్నారు. ‘కార్తికేయ 2’తో పాన్ ఇండియా స్థాయిలో గుర్తింపు తెచ్చుకున్న నిఖిల్, ఈ సినిమా కోసం సుమారు మూడేళ్ల పాటు శ్రమించారు. ఈ చిత్రంలో సంయుక్త మీనన్, నభా నటేష్ హీరోయిన్లుగా నటిస్తున్నారు. పిక్సెల్ స్టూడియోస్ నిర్మిస్తున్న ఈ భారీ ప్రాజెక్టుకు ‘కేజీఎఫ్’ ఫేమ్ రవి బ్రసూర్ సంగీతం అందిస్తుండగా, ప్రముఖ సినిమాటోగ్రాఫర్ సెంథిల్ కుమార్ విజువల్స్ అందిస్తున్నారు.
చరిత్రలో చెప్పబడని ఒక గొప్ప వీరుడి కథగా వస్తున్న ‘స్వయంభు’పై ప్రేక్షకుల్లో భారీ అంచనాలు నెలకొన్నాయి. ఇటీవల సంక్రాంతి సందర్భంగా విడుదలైన పోస్టర్లలో విడుదల తేదీ లేకపోవడంతో అభిమానులు గందరగోళానికి గురయ్యారు, అయితే ఏప్రిల్ 10 ఫిక్స్ కావడంతో అందరూ ఊపిరి పీల్చుకున్నారు. నిఖిల్ కెరీర్లోనే అత్యంత భారీ బడ్జెట్తో, హై టెక్నికల్ వాల్యూస్తో రూపొందుతున్న ఈ చిత్రం బాక్సాఫీస్ వద్ద ఎలాంటి సంచలనాలు సృష్టిస్తుందో చూడాలి.
