కన్నడ హీరో రిషబ్ శెట్టి స్వీయ దర్శకత్వంలో తెరకెక్కిన చిత్రం ‘కాంతార చాప్టర్ 1’. హిట్ మూవీ ‘కాంతార’కు ప్రీక్వెల్గా రూపొందిన ఈ సినిమా దసరా కానుకగా థియేటర్లలోకి వచ్చి బ్లాక్ బస్టర్ విజయాన్ని సాధించింది. బాక్సాఫీస్ వద్ద భారీ వసూళ్లతో రెండవ వారం పూర్తి చేసుకోబోతున్న ఈ చిత్రం రూ. $700$ కోట్ల క్లబ్ దిశగా పయనిస్తోంది. ఈ నేపథ్యంలో, దీపావళి పండుగను పురస్కరించుకుని చిత్ర బృందం తాజాగా ఒక కొత్త ట్రైలర్ను విడుదల చేసింది.
$3$ నిమిషాల నిడివితో రూపొందించిన ఈ ట్రైలర్.. సినిమాలోని కీలక సన్నివేశాలతో కట్ చేసి, దాదాపు కథేంటి అనేది చూపించేశారు. ఈ ట్రైలర్ ‘కాంతార వరల్డ్’ను పరిచయం చేస్తూ, ప్రధాన పాత్రదారులందరికీ ప్రాధాన్యత ఉండేలా ఆకట్టుకునే విధంగా రూపొందించారు. రిషబ్ శెట్టి వివిధ లుక్స్లో మెస్మరైజ్ చేశారు.
హీరోయిన్ రుక్మిణి వసంత్ అందంగా కనిపిస్తూనే, కొన్ని యాక్షన్ సీన్స్లో ఆశ్చర్యపరిచింది. గుల్షన్ దేవయ్య, జయరాం ఇతర ముఖ్య పాత్రల్లో నటించారు. పీరియడ్ యాక్షన్ మూవీగా రూపొందిన ఈ చిత్రం అంచనాలకు మించి విజయాన్ని సాధించడంతో, ఈ కొత్త ట్రైలర్ మరిన్ని వసూళ్లను పెంచడానికి దోహదపడుతుందని చిత్ర బృందం ఆశిస్తోంది.
