ప్రస్తుతం పాన్ ఇండియా స్థాయిలోనే కాదు, పాన్ వరల్డ్ లెవెల్లో కూడా అత్యంత హైప్ సృష్టించిన సినిమా ఏదైనా ఉంటే, అది సూపర్ స్టార్ మహేష్ బాబు మరియు దర్శకధీరుడు ఎస్.ఎస్. రాజమౌళి కాంబినేషన్లో తెరకెక్కుతున్న సినిమా అని చెప్పాలి. మహేష్ కెరీర్లో 29వ చిత్రంగా రూపొందుతున్న ఈ ప్రాజెక్ట్ భారీ బడ్జెట్తో, ప్రపంచ స్థాయి టెక్నికల్ ప్రమాణాలతో తెరకెక్కుతోంది.సినిమా టీమ్ ఈ నవంబర్లో ప్రేక్షకులకు ఓ గ్రాండ్ అప్డేట్ ఇవ్వబోతున్నట్లు టాక్ వినిపిస్తోంది. అందుకే అభిమానుల్లో ఇప్పటికే భారీ ఎగ్జైట్మెంట్ నెలకొంది.ఇటీవల ఈ సినిమాకు సంబంధించిన ఓ టైటిల్ రూమర్ సోషల్ మీడియాలో వైరల్ అవుతోంది. ఫిల్మ్ నగర్ వర్గాల్లో ప్రచారం జరుగుతున్నట్టు, మేకర్స్ ‘వారణాసి’ అనే పేరును లాక్ చేశారని వార్తలు వస్తున్నాయి. అంతేకాదు, సినిమా సెట్స్లో వేసిన భారీ సెట్లు కూడా వారణాసి వాతావరణాన్ని తలపించేలా ఉన్నాయని కొన్ని లీక్స్ ద్వారా బయటపడింది.
అయితే రాజమౌళి వంటి విజనరీ దర్శకుడు ఇంత సింపుల్ టైటిల్తో వస్తారా? అనే సందేహం ఫ్యాన్స్లో వ్యక్తమవుతోంది. మరోవైపు ‘గ్లోబ్ ట్రాటర్’ అనే టైటిల్ కూడా చర్చలో ఉంది — ఇది సినిమాకి గ్లోబల్ స్కేల్ మరియు అడ్వెంచరస్ కాన్సెప్ట్కి సరిపోతుందని అనేకమంది భావిస్తున్నారు.రెండు టైటిల్స్కూ సపోర్ట్ ఉన్నప్పటికీ, రాజమౌళి మార్క్లో ఏదో యూనిక్, ఇంటర్నేషనల్ టచ్ ఉన్న టైటిల్నే ఫైనల్ చేసే అవకాశం ఎక్కువగా ఉందని సినీ వర్గాలు చెబుతున్నాయి.
ఇక ఏదేమైనా, ఈ నవంబర్లో ఈ ప్రాజెక్ట్పై ఓ మెగా బ్లాస్ట్ తప్పనిసరిగా రానుందని సమాచారం. మహేష్ – రాజమౌళి కాంబినేషన్పై అభిమానుల అంచనాలు ఆకాశాన్ని తాకుతున్నాయి..
