టాలీవుడ్ మాస్ హీరో రామ్చరణ్ ప్రధాన పాత్రలో, బుచ్చిబాబు సానా దర్శకత్వంలో రూపొందుతున్న ‘పెద్ది’ (Peddi) చిత్రం అభిమానుల్లో భారీ అంచనాలను పెంచుతోంది. ఈ సినిమా విడుదల కంటే ముందే ఒక్కో అప్డేట్తో సంచలనం సృష్టిస్తోంది. తాజాగా చిత్ర యూనిట్, సినిమాలోని ఫస్ట్ సింగిల్ అయిన ‘చికిరి చికిరి’ సాంగ్కు సంబంధించిన ప్రోమోను విడుదల చేసింది. ఈ ప్రోమో ప్రస్తుతం సోషల్ మీడియాలో విపరీతంగా వైరల్ అవుతూ, రామ్ చరణ్ అభిమానుల్లో కొత్త ఉత్సాహాన్ని నింపింది.
ఈ పాట కోసం ప్రముఖ సంగీత దర్శకుడు ఏఆర్ రెహమాన్ సంగీతం అందించారు. ఈ సందర్భంగా, దర్శకుడు బుచ్చిబాబు తన చిన్ననాటి జ్ఞాపకాలను రెహమాన్తో పంచుకున్నారు. తాను ఏడో తరగతిలో ఉన్నప్పుడు ‘బొంబాయి’ సినిమా పాటల క్యాసెట్ విన్నప్పటి నుంచి ఆయనకు పెద్ద అభిమానిని అయ్యానని, ‘పెద్ది’ కథ ఫైనల్ అయిన తర్వాత సంగీత దర్శకుడిగా మరో ఆలోచన లేకుండా రెహమాన్నే ఎంచుకున్నట్లు బుచ్చిబాబు తెలిపారు.
ప్రముఖ గాయకుడు మోహిత్ చౌహాన్ ఆలపించిన ‘చికిరి చికిరి’ పాట పూర్తి లిరికల్ వీడియో నవంబర్ 7న విడుదల కానుంది. ఇక ఈ ‘పెద్ది’ సినిమాను 2026 మార్చి 27న ప్రపంచవ్యాప్తంగా విడుదల చేయనున్నట్లు చిత్రబృందం అధికారికంగా ప్రకటించింది. ఈ సినిమాను వృద్ధి సినిమాస్, మైత్రీ మూవీ మేకర్స్, సుకుమార్ రైటింగ్స్ సంయుక్తంగా నిర్మిస్తున్నాయి.
