నందమూరి నటసింహం బాలకృష్ణ ప్రస్తుతం ఫుల్ స్వింగ్లో ఉన్నారు. వరుస ప్రాజెక్ట్లతో బిజీగా ఉన్న ఆయన, ‘అఖండ 2’ తర్వాత కూడా స్పీడ్ తగ్గించే ఆలోచనలో లేరు. ప్రస్తుతం గోపీచంద్ మలినేని దర్శకత్వంలో ఓ మాస్ యాక్షన్ సినిమాను షూట్ చేస్తూనే… మరోవైపు కొత్త ప్రాజెక్ట్లను లైన్లో పెడుతున్నారు.
ఇప్పటికే వివేక్ ఆత్రేయతో సినిమా చేస్తున్నట్టు క్లారిటీ వచ్చిన సంగతి తెలిసిందే. ఇదే సమయంలో దర్శకుడు కొరటాల శివతో కూడా బాలయ్య సినిమా చేయబోతున్నారన్న వార్తలు ఇండస్ట్రీలో హాట్ టాపిక్గా మారాయి.
కొరటాలకు బాలయ్య గ్రీన్ సిగ్నల్?
తాజా సమాచారం ప్రకారం… కొరటాల శివ చెప్పిన కథ బాలకృష్ణకు బాగా నచ్చిందట. ముఖ్యంగా ఆయన ఇమేజ్కి తగ్గట్టు రూపొందించిన యాక్షన్ బ్యాక్డ్రాప్ కథ కావడంతో బాలయ్య వెంటనే గ్రీన్ సిగ్నల్ ఇచ్చినట్టు టాక్. ఈ చిత్రాన్ని ఎస్ఎల్వీ సినిమాస్ బ్యానర్పై సుధాకర్ చెరుకూరి నిర్మించబోతున్నారని సమాచారం. త్వరలోనే అధికారిక ప్రకటన వచ్చే అవకాశం ఉంది.
యాక్షన్ మోడ్లో బాలయ్య – కొరటాల
కొరటాల శివ ఈసారి బాలయ్య కోసం పవర్ఫుల్ యాక్షన్ స్టోరీని సిద్ధం చేశారని తెలుస్తోంది. పూజ కార్యక్రమాలతో సినిమాను ప్రారంభించి… త్వరలోనే రెగ్యులర్ షూటింగ్ మొదలుపెట్టే ప్లాన్లో ఉన్నారట. పూర్తి వివరాలు త్వరలోనే బయటకు రానున్నాయి.
‘ఆచార్య’ తర్వాత రీబౌండ్
కొరటాల శివకు ‘ఆచార్య’ షాక్ ఇచ్చినా… ఆ తర్వాత ఎన్టీఆర్తో చేసిన ‘దేవర’ ద్వారా ఆయన మళ్లీ ఫామ్లోకి వచ్చారు. ఆ సినిమా మంచి విజయాన్ని సాధించడంతో సీక్వెల్ ‘దేవర 2’ను కూడా అనౌన్స్ చేశారు.
‘దేవర 2’ ఆలస్యం… బాలయ్య ప్రాజెక్ట్ ఫాస్ట్?
ప్రస్తుతం ఎన్టీఆర్ ప్రశాంత్ నీల్ దర్శకత్వంలో ‘డ్రాగన్’ (వర్కింగ్ టైటిల్) షూటింగ్లో బిజీగా ఉండటంతో ‘దేవర 2’ ఆలస్యం అయ్యే సూచనలు కనిపిస్తున్నాయి. ఈ గ్యాప్లోనే కొరటాల శివ బాలకృష్ణతో సినిమా స్టార్ట్ చేయాలని ప్లాన్ చేస్తున్నట్టు తెలుస్తోంది.
మొత్తానికి… ఒకవైపు గోపీచంద్ మలినేని సినిమా, మరోవైపు కొరటాల ప్రాజెక్ట్తో బాలయ్య రాబోయే రోజుల్లో డబుల్ డోస్ ఎంటర్టైన్మెంట్ ఇవ్వడానికి రెడీ అవుతున్నారు.
