సంక్రాంతి పండగ కోసం “మన శంకరవరప్రసాద్ గారు” ఫుల్ సందడికి రెడీ అవుతున్నారు. దసరా నుంచే ఇప్పటికే ఈ ప్రాజెక్ట్ గురించి అంచనాలు రావడం మొదలైంది. అనీల్ రావిపూడి దర్శకత్వంలో చిరంజీవి హీరోగా తెరకెక్కుతున్న ఈ సినిమా కోసం, దసరాకు ఓ సర్ప్రైజ్ ప్లాన్ చేస్తున్నట్లు తెలుస్తోంది.
సినిమా నుంచి ఇప్పటికే కొన్ని స్టిల్స్ రిలీజ్ అయ్యాయి, అలాగే టైటిల్ కూడా ఇటీవల రివీల్ అయ్యింది. ఈ ఉత్సాహంలో, దసరాకు ఒక సింగిల్ పాటను రిలీజ్ చేయాలన్న ఆలోచనలో ఉన్నారట. అయితే, దీనిపై ఇంకా చిరంజీవి నుంచి గ్రీన్ సిగ్నల్ రావలేదు.
సంక్రాంతికి త్వరగా పాట రిలీజ్ చేస్తే, జనవరి వరకు పాతగా అనిపించే అవకాశం ఉందని కొందరు ఫ్యాన్స్ భావిస్తున్నారు. అయినా, లిరికల్ వీడియో లేకపోయినా, దసరా సమయంలో సినిమాకు సంబంధించి మరో విధమైన సందడి ఖాయం అని యూనిట్ చెబుతోంది.
వెరైటీ ప్రమోషన్స్ లో నిపుణులుగా పేరొందిన అనీల్ రావిపూడి, దసరా వంటి ఫెస్టివల్ను వదులుకోవడం అసాధ్యం. కాబట్టి, ఖచ్చితంగా ఏదో ప్రత్యేక సర్ప్రైజ్ ప్లాన్ చేస్తున్నారు. అదేంటో త్వరలోనే అధికారికంగా తెలుస్తుంది..
