సూపర్ హిట్ ‘జైలర్’ చిత్రానికి సీక్వెల్గా వస్తున్న ఈ సినిమాలో కన్నడ స్టార్ శివరాజ్కుమార్ కీలక పాత్ర పోషిస్తున్నారు. మొదటి భాగంలో కేవలం క్లైమాక్స్లో మెరిసి థియేటర్లను ఊపేసిన ఆయన, ఈసారి పూర్తి స్థాయి పాత్రలో కనిపించబోతున్నారు. తాజాగా ఒక ఇంటర్వ్యూలో మాట్లాడుతూ.. “ఈసారి నా పాత్రకు ఎక్కువ స్క్రీన్ టైమ్ ఉంటుంది, నా అసలు నటనను ఈ సినిమాలో చూస్తారు” అని పేర్కొనడంతో అభిమానుల్లో అంచనాలు రెట్టింపయ్యాయి.
ప్రస్తుతం ఈ సినిమా షూటింగ్ శరవేగంగా జరుగుతోంది. ఇప్పటికే ఒక రోజు షూటింగ్లో పాల్గొన్న శివరాజ్కుమార్, జనవరిలో మరికొన్ని కీలక షెడ్యూల్స్ పూర్తి చేయనున్నారు. నెల్సన్ దిలీప్కుమార్ ఈ కథను మొదటి భాగానికి నేరుగా కొనసాగింపుగా (Direct Sequel) సిద్ధం చేశారని, పాత్రల ప్రాధాన్యతను మరింత పెంచారని సమాచారం. సన్ పిక్చర్స్ భారీ బడ్జెట్తో నిర్మిస్తున్న ఈ చిత్రంలో రజనీకాంత్తో పాటు రమ్యకృష్ణ, యోగిబాబు, మోహన్లాల్, విద్యాబాలన్, ఎస్.జే.సూర్య వంటి దిగ్గజ తారాగణం నటిస్తోంది.
అనిరుధ్ రవిచందర్ సంగీతం అందిస్తున్న ఈ చిత్రం 2026 ఆగస్టులో విడుదల కానుంది. బాక్సాఫీస్ వద్ద మొదటి భాగం సృష్టించిన ప్రభంజనాన్ని ఈ సీక్వెల్ అధిగమిస్తుందని ట్రేడ్ వర్గాలు విశ్లేషిస్తున్నాయి. ముఖ్యంగా రజనీ – శివన్న కాంబినేషన్ సీన్లు ఈ సినిమాకు ప్రధాన ఆకర్షణగా నిలవనున్నాయి.
