మలయాళ స్టార్ హీరో పృథ్వీరాజ్ సుకుమారన్ నటించిన క్రైమ్ యాక్షన్ థ్రిల్లర్ ‘ఐ, నోబడీ’ జూలై 9న తెలుగు సహా ఐదు భాషల్లో గ్రాండ్గా విడుదల కానుంది. ఈ సినిమా ప్రమోషన్స్లో పాల్గొన్న పృథ్వీరాజ్.. ప్రస్తుతం రాజమౌళి దర్శకత్వంలో మహేష్ బాబుతో చేస్తున్న ‘వారణాసి’ సినిమా గురించి ఆసక్తికర విషయాలను పంచుకున్నారు.
ముందుగా సినిమా స్కేల్ గురించి మాట్లాడుతూ.. “భారీ సినిమా” అనడం కూడా ఈ ప్రాజెక్ట్కు సరిపోదు. నా కెరీర్లో ఇంత పెద్ద స్థాయిలో రూపొందుతున్న సినిమా నేను ఎప్పుడూ చూడలేదు. రాజమౌళి విజన్ను మాటల్లో చెప్పడం అసాధ్యం” అంటూ ప్రశంసలు కురిపించారు.
ఆ తర్వాత రాజమౌళి డెడికేషన్ గురించి చెప్పిన విషయం ఇప్పుడు సోషల్ మీడియాలో వైరల్గా మారింది.
“నేను, మహేష్ బాబు కలిసి నటించిన ఒక సన్నివేశాన్ని ఉదయం నుంచే చిత్రీకరిస్తున్నారు. కానీ రాజమౌళి సార్ మాత్రం ఒక్క షాట్తో కూడా సంతృప్తి చెందలేదు. మధ్యలో లంచ్ బ్రేక్ ఇచ్చినా.. ఇంకా భోజనం పూర్తికాకముందే మళ్లీ షూట్కు పిలిచారు. సాయంత్రం వరకు అదే సీన్పై పని చేశారు. అయినా ఆయనకు కావాల్సిన అవుట్పుట్ రాకపోవడంతో ఆ రోజు షూట్ను ప్యాకప్ చేసి, మరుసటి రోజుకు వాయిదా వేశారు.”
ఇంకా ఆశ్చర్యకరమైన విషయం ఏమిటంటే…
“ఆ ఒక్క సన్నివేశం కోసం మహేష్ బాబు దాదాపు 97 టేక్స్ ఇచ్చారు. అయినా రాజమౌళి ఎక్కడా రాజీ పడలేదు. తనకు పర్ఫెక్ట్ అనిపించే వరకు షూట్ కొనసాగించారు.” అని పృథ్వీరాజ్ వెల్లడించారు.
ఈ వ్యాఖ్యలు ఇప్పుడు అభిమానుల్లో భారీ చర్చకు దారితీశాయి. రాజమౌళి పర్ఫెక్షన్ కోసం ఎంత కష్టపడతారో.. మహేష్ బాబు కూడా అదే స్థాయిలో ఎంత డెడికేషన్తో పనిచేస్తున్నారో ఈ సంఘటన మరోసారి నిరూపించిందని ఫ్యాన్స్ కామెంట్స్ చేస్తున్నారు.
మరి ‘వారణాసి’ సినిమా ఇండియన్ సినిమా చరిత్రలో కొత్త రికార్డులు సృష్టిస్తుందా? మీ అభిప్రాయాన్ని కామెంట్లో తెలియజేయండి.
