నందమూరి బాలకృష్ణ, దర్శకుడు బోయపాటి శ్రీను కాంబినేషన్లో రాబోతున్న భారీ చిత్రం ‘అఖండ 2’ పై ఉన్న అంచనాలకు నిదర్శనంగా ఒక అరుదైన సంఘటన వెలుగులోకి వచ్చింది. జర్మనీకి చెందిన ఒక ఎన్నారై అభిమాని ఈ సినిమా టికెట్ను ఏకంగా రూ. 2 లక్షలు చెల్లించి కొనుగోలు చేశారు. ఈ స్థాయి అభిమానం అందరినీ ఆశ్చర్యపరిచింది.
‘అఖండ 2’ చిత్రం డిసెంబర్ 5న ప్రపంచవ్యాప్తంగా విడుదల కానున్న నేపథ్యంలో ఓవర్సీస్లో అడ్వాన్స్ బుకింగ్స్ ప్రారంభమయ్యాయి. ఈ క్రమంలో జర్మనీలోని ఫ్రాంక్ఫర్ట్లో నివసించే రాజశేఖర పర్ణపల్లి అనే బాలకృష్ణ వీరాభిమాని, తన అభిమాన హీరో సినిమా కోసం రూ. 2,00,000 చెల్లించి ఒకే ఒక్క టికెట్ను దక్కించుకున్నారు.
సాధారణంగా అభిమానం ప్రదర్శించడానికి అనేక మార్గాలు ఉన్నప్పటికీ, ఒకే సినిమా టికెట్ కోసం ఇంత పెద్ద మొత్తంలో ఖర్చు చేయడం నందమూరి బాలకృష్ణకు ఓవర్సీస్లో ఉన్న క్రేజ్ను స్పష్టం చేస్తోంది. ఈ అరుదైన విషయాన్ని చిత్రబృందం అధికారికంగా సోషల్ మీడియా ద్వారా పంచుకోవడంతో, ఈ వార్త ప్రస్తుతం నెట్టింట వైరల్గా మారింది.
